D’Arco Sopelana eta Getxo Arkua Bizkaiko eskuinaldeko arku tiroko bi klub dira, irabazi-asmorik gabeak, Sopelan eta Getxon modu bateratuan funtzionatzen dutenak. D’Arco 1993ko otsailaren 9an sortu zen, eta biek batera kategoria (adin) eta modalitate guztietako arkulariak biltzen dituzte.
Bi klubon artean tiro-epaile bat, entrenatzaile bat eta kirol eskolako begirale laguntzaileak ditugu, guk antolatutako lehiaketetan zein Bizkaiko eta Euskal Herriko federazioek antolatutakoetan parte hartzen dutenak.
Gure bazkideen artean Euskadiko eta Espainiako txapeldun ugari ditugu, modalitate eta kategoria guztietakoak; txapelketa autonomikoetan zein Europako eta munduko lehiaketetan izan gara ordezkatuak. Guztira 10 eta 90 urte bitarteko 140 bazkide inguru mugitzen ditugu.
Gure balioak
- Adinik gabeko kirola. Ohikoa da tiro-lerroetan 50 urtetik gorako beteranoak eta 8-10 urteko txikiak elkarrekin ikustea.
- Naturarekin harremanetan. Arku tiroak naturara itzultzeko aukera ematen digu; normalean aire zabalean egiten da.
- Komunitatea. Talde hurbila, beti prest zaletasuna, lehiaketa eta une onak partekatzeko.